აბა პრობლემა?

არ მინდა და უადგილოცაა ახლა პათეთიკური შეძახილები - „ერო და ბერო“; „დანო და ძმანნო“; „ჩემო საქართველოვ“ და მსგავსი.. მაგრამ ისიც არ ვიცი, როგორ მოგმართოთ, რომ გაგაგონოთ..

საქართველოს დასაკლავი მახვილი, რომელიც დიდის რუდუნებით ილესებოდა. უკვე ქარქაშიდანაც იშიშვლეს. ზურგში დარტყმები და ეგეთები არ იქნება - პირდაპირ გულში და ვადამდე შეყრით.. ეგებ ვადაში ჩატეხვითაც კი.

და როგორც წესადაც არს, ქართველებს, საქართველოს ქართველებივე მოვუკლავთ. რა თქმა უნდა, ამას გავაკეთებთ საქართველოს გადარჩენის, დაცვის, დაბრუნების და სხვა მაღალი მიზნების და იდეალების სახელით. გვერქმევა მკურნალნი..